Uas fodices an Mirandés

19
Jul 08



Buonas nuites. Posque yá ampeçábades a scaralhar por bias de you star a faltar al pormetido de bos cuntar l fin de la fodice que me passou. Nun bos póngades cun la parracha als saltos, que you inda nun me squeci, mas you stou cumo tiu Molineiro, que fazie siempre rander l peixe quando mos cuntaba las cuntas del. Quien tubir priessa, que baia andando, i apuis procura cumo fui.
Inda que you falte al pormetido (l pormetido ye de bidro, parte-se muitas bezes), nun bos podeis queixar a naide que nun stábades abisados para l marca caralho que you sou, apuis nun bos queixeis que bos fodírun i nun bos pagórun.
Buono, l causo hoije ye outro:
Cumo you quiero - queremos todos, stou bien cierto disso -, que este cantico seia un campo de refinada eilebaçon, l farol d’adonde puoda relhuzir l Saber i l Cunhecimiento, l cantiado adonde las nuobas geraçones puodan stribar las trabes de l sou debir, l liçace adonde l Mirandés assegure las paredes de l sou feturo ( i yá chega bien de eimaiges, m’arrafoda l caralho, que esta fodice de las eimaiges ye un caralho de un cobradeiro de cabeça, se fura para tener eimaiges era un filme, nun era un caralho d'un scrito, foda-se), bamos, anton, hoije a einougorar ua gabeta nuoba, para guardar to la ciéncia que anda por ende a la suolta.
Bai-se a chamar “Boç de l pobo…”, i bai a serbir para arrecolher i registrar ls adaiges, ls porbérbios, ls ditos dezideiros i essas merdas assi.
Mas nun queremos acá ls tradicionales, disso yá hai muito por ende, para tradiçon bien bundou to la muinha i la merda que mamei al culo de la trilahdeira quando era moço! Más moço, bah, que agora tamien inda nun bou mui bielho.
Nó, ls nuossos ban a ser la berson seclo XXI, pós-moderna, dessa fodice toda, un lambuxe solo al alcance de cabeças scolhidas i superiores. I cun pouca bergonha, anda nó!
Sei que ye un serbiço de balor i nada mos l bai a pagar, tenemos que l ancarar cumo un ato de cidadanie, la nuossa singela cuntrebuiçon, l nuosso tejolico, para la cunstruçon de l eidefício relhuziente de l Mirandés de l seclo XXI.
Ls purmeiros pongo-los you, i quedo a spera de las buossas ajudas:

1 - Home porbenido, nun ye fácele ser fodido!
2 - La tie i la pescada, quieren-se de parracha apertada!
3 - Pixa murcha an cona dura, puode marrar que nun fura!
4 - Quien cabritos bende i cabras nun ten, ye cierto que fode alguien!
5 – Deitar cedo i cedo alhebantar, solo se fur para anrabar!
6 – L quemer i l foder son buonos para antretener!
7 – Ne l die de San Martino, porba la tie de l tou bezino!
8 – A rir a rir, stás eiqui, stás a parir!
9 – Pixa frie, coraçon caliente, foda adiada para siempre!
10 – Más bal ua punheta a la mano, que dues fodas a bolar!

I agora bou-me, que yá eilhi stá Maridília a chamar, nun la bedes ne l retrato, ls oulhicos que me botou?, i bós yá sabeis que “Ber i nun foder fai la pixa padecer!”
publicado por poucabergonha às 02:36

6 comentários:
Buonas nuites

"Pierna fina i pouca teta tenen parracha que muito aperta".
Diç-que ... :)

Abraços
Abelhón a 20 de Julho de 2008 às 00:48

Buonas nuites,
Segundo la teoria de tiu 18 de Dues Eigreijas (Deus l tenga alhá bien tiempo sin nós), " mulhier fraca ten-la cumo ua baca, mulhier gorda ten-la cumo ua torda".
Yá uns dies que nun benie eiqui e stou a ber que tenes feito progressos,cuntinua que estás no bom camino.
cumprimentos, Félç
Félç a 21 de Julho de 2008 às 00:24

You tengo esta, mas ye d'un poeta qu'inda nunca fudiu :

Adriana pulas tues lhanas l'amor manas !
Tiégui a 21 de Julho de 2008 às 17:46

CONDE!!!! TAS DE VOLTA!!! E VIVO, DE PREFERENCIA!!! OH SI, MI GUSTA!!
Fallen, The Countess a 31 de Julho de 2008 às 21:30

Permita-me, sue Magestade Pouca Bergonha, que deixe tamien un pequeinho cumentairo neste sou tan aristocrático i poético site para Tiegui que bieno aqui hai dies besitar tamien la sue CORTEilha :

Nun dás l nome cumpleto dessa Adriana neste tou redadeiro comentairo, Tiegui (Puodo tratar-te por tu ?)…
Ye defícele nestas circunstáncias nun pensar tamien nua de las top models cul mesmo nome, essa tal por eisemplo que casou cun un jogador de futebol de que tamien pula cierta yá oubiste falar …
Nun puodes dezir l cuntrairo. Mulhieres cumo eilha, essa Adriana Karembeu, loura de 1m85 i cun piernas antre las mais cumpridas de l mundo, ánchen a mais dun ls suonhos i ls pensares…
Quien ye que mede 1m85 i ten piernas assi tan cumpridas ? Ye l tou caso, Tiegui ?
Mas repara bien nua cousa : nun ten eilha pouca proa cul marido que ten ! Ye que haber partecipado antre outras cousas ne l Campeonato de l Mundo an 1998 an que la França fui bencedora nun ye para quien quier que seia.
Mas hai que sonhar un pouco !

Adios a todos.

Solo mais ua cousa : La monarquie an países cumo Portugal ou França acabou nas circunstáncias que sabemos. Mas nun bou you agora dar ua liçon de stória. Yá todos sabemos.
Ana a 5 de Agosto de 2008 às 09:19

Dius mos deia buonas nuites!

Teneis que me çculpar por demorar tanto a dar-bos ua palabra, la splicaçon yá la sabeis de l último scrito.

Bien benidos Abelhon, Félç i Tiegui!, Dius bos lo pague la ajuda que dastes, l pobo Mirandés i la cultura de Miranda quédan-bos agardecidos. I you tamien, por benirdes por esta mie houmilde casica, adonde bos quiero ber muita beç i de salude!

Ah, Cundeza!
Anton yá me tratas por Conde!
Que cuntento quedo! Nun tarda que me chames Tarzan!... i que me pidas para te ansinar a agarrar la liana! ;)
I l you retrato!... Caralho, tenendo assi ua personalidade dessas... tu eiqui nun sós Cundeza, sós Rainha!

I bós, ah Ana,
Zanubrou-se-me l coraçon de bos ber eiqui, cuidei que bos habiedes anfadado de las nuossas cumbersas, inda bien que me anganhei!
Bós yá sabeis que eiqui mandais i zmandais a la buossa buntade, fazei de la mie casica puorta de frigorífico i deixai acá l recados todos que quejirdes, para quien quejirdes... i se conheceis anton essa Adriana - ou outra assi, inda que solo tenga 1,84m, tamien le podeia la mie direçon, que tengo la certeza que há de ser bien benida!
I bós siempre a tratar-me cun tanta cunsidraçon, cun tanta fineza, cumo ye buosso questume... oubrigado.
Mas fazei-me solo más un faborzico:
Nesta CORTEilha (cumo bós le chamais cun algua graça, ye bien bisto, dou-bos ls parabienes pul jogo de palabras), fazei l fabor de me tratar por maJestade, cun J.
Ye que, arreparai: cumo you sei que bós sodes ua dama que le gústan ls salamaleques todos bien citres, nun me parece bien star a ambantar ua grafie nuoba an Mirandés solo para me tratar a mi, inda que you saba que me teneis na más alta cunsidraçon, peç-me que l melhor será tratar-me cumo se trátan ls reis an Pertués ou an Castelhano, assi cumo quien bai a saber de la palabra al Lhatin..
Mas tornai siempre a esta corte, que habeis de ser siempre recebida cun las más grandes bénias.
poucabergonha a 22 de Agosto de 2008 às 04:28

Julho 2008
Dom
Seg
Ter
Qua
Qui
Sex
Sab

1
2
3
4
5

6
7
8
9
10
11
12

13
14
15
16
17
18

20
21
22
23
24
25
26

27
28
29
30
31


arquivos
mais sobre mim
pesquisar neste blog
 
Subscrever por e-mail

A subscrição é anónima e gera, no máximo, um e-mail por dia.

blogs SAPO