Uas fodices an Mirandés

28
Dez 07

Bamos anton al segundo tipo de las ratas de biblioteca, que you bien sei que isto agora nun cuntinar era cumo stardes cun l caínço i nun bos deixar salir a perros.
De regra, son cumo las purmeiras, solo que más antradotas, más peinadas, ándan más bien bestidas i, pormenor amportante, múdan de bragas to ls dies. You nun sei bós, mas you, caralho, bonda que se arrúmen a mi i yá quédan cun las bragas anchoquecidas. Quando stá fresco, m'arrafoda, anté sirbe de Martini, mas apuis de l strafego, bestir l caralho de las mesmas bragas, cun aqueilha fodice yá cediça...foda-se, peç que passou pulhi un anxame de lhesmas....you nun sou scumioso, mas cunfesso-bos que quaije me aguemito. You gusto de cousa asseada, foda-se, para merda bien bundou las bezes que tibe de le demudar la cama a las bacas de miu abó.
La finta para las acaçar ye la mesma: cumprar la Bola i meté-la andrento de l Jornal de Letras (anda nó, iba you a mandar-bos meter ls narizes andrento de l caralho de Jornal esse, ten scritos de más de ua página) i teneis anton de bos poner nun sítio adonde bos puodan ber. Nun tárdan an arreparar an bós. Apuis ye la cumbersa de siempre: arrodéiedes por adonde arrodiardes, ten que ir a bater a foda, you tamien nun bos puodo ansinar las buoltas todas, nun le quereis dado i arregaçado, nó?
Muitas bezes teneis que arrotar cun la cena, mas hai-las que anté págan eilhas, cun l denheiro de l tiu de quien se zborciórun, filhas de la puta, que inda ténen la coraije de le chamar "tipo impecável" que yá se sabe que ye la pior oufensa que se puode chamar als ex, you, por mi, quando las deixo gusto que me déian uas rodadas de filho de la puta ou de stapor - quier dezir que la cousa correu bien. Bisto deiqui!
Nun bos squéçades que ténan todas la buraca mi fonda, nun se cuntentan assi cun uns arregunhos qualesquieras.
You questumo saber que yá les chega quando l zancabo i les miro para la çanfona: se stubir cumo l çufino de l buldogue de l miu bezino daqueilha beç que metiu ls narizes nun frasco de meionese, anton ye porque l serbiço yá bai pronto.
I por falar an perros: esta de l retrato tamien tenie un caralho de un perracheco, raistaparta, un angaço pequeinho i mal amanhado, solo pelo i uolhos, más feio que la carranca de l carocho de Custantin. I diç que l sustantaba a bolaixas, you anfelizmente nunca bi, mas çcunfio que antalaba las bolaixas na cona i apuis css, css, css, csss, csss, cuço, cuço...you nun sei, mas el l caralho de la manha de andar cun la lhéngua a zlhambuzar eiqui i eilhi si la tenie.
I por bias disso nun quereis saber la fodice que me passou?!
Un die, ua manhana (que you nun me gusta spertar cedo, mas se fur para molhar l pincel...) sperta-me anton eilha a dezir que se le habie metido un aranhon na cenisga i que le staba a fazer muitas cuçquinhas, i you anton, dalgeiro a ber se era capaç de smagar l aranhon acontra l fundo, i bai l caralho de l perracheco, cumo le faltassa l zanjun, bai-se a saber del al sítio de l questume, i nun ye que me ampeça a lhamber l culo. Ah caralho m'arrafoda, que you quedei sien saber se habie de çpejar ls colhones se habie de çpejar la tripa...
Son triteiradas que le pássan a un, bós tamien nun stais lhibres, puode haber até quien le guste, el las giletas tamien córtan puls dous lhados, you que me lhámban l culo inda bá, mas acá tener naide a bufar-me trás de las oureilhas ye que nó!
publicado por poucabergonha às 04:45
tags:

9 comentários:
Arrefoder que bien scribe este tiu. Inda bien que el queda a compensar Ls Gatos… Passo-me de l freno de la pixa al ler testos tan bien feitos cun to las palabras dua lhéngua. Foda-se que bien scribe l marmanjo. I anton técnica para arranjar çubiaco na rata de l meio de las gámbias de las rapazas!? Parece nun haber! Lhembra-se aqui que las fodas mal dadas, tamien son pinadelas. Ls lhénguistas bien dízen que nun hai palabras zorras: ua ranhadela, por poucas brasas que spalhe, cumpon siempre l forno. Haba rujura i salúde, que cuntigo, cacete nun bai a faltar a essas mulaças todas que ándan cun mil ganas que las spechóquen bien spechocadas.
Anónimo a 28 de Dezembro de 2007 às 18:21

Kakakakaka... Até choro sempre que cá venho!...Bom, não sou de miranda, mas a lingua é facilmente perceptivel...É só para dar os parabéns pela excelente qualidade de humor deste blog! Força na verga e muitas lambidelas pelo caminho! ;)
Fallen, The Countess a 28 de Dezembro de 2007 às 20:23

Mira à tiu de la çanfona, pudies screber ua teorie sobre la punheta...

ye que l outro die un dixe assie quando se falaba an punheta ya nun sei an que cuntesto: "ah i tal, you esso de punheta fui cousa que nunca se me deu, nin de sulteiro"...

ahahaha
Caralho m'arrafoda a 29 de Dezembro de 2007 às 14:59

ah squeciuse-me ua cousa, lougo se bei que teneis bun guosto à tu de la çanfona, pus ponistes un retrato ne l bosso blog, l de las papoulas ou que flores son essas i ye un retrato de pink floyd, mais ua beç parabienes
Caralho m'arrafoda a 30 de Dezembro de 2007 às 01:16

Buonas nuites!

Buono, ye berdade que isto nun ye bien lheitura de l Jornal de Letras, mas para ampeçar i para Mirandés nun stá mal.
Se quejirdes aparecer por Tortulhas, ua pinga i un muordo nun bos han de faltar..."febra" para bós ye que nun sei se se poderá arranjar!
Un abraço
Tortulhas a 30 de Dezembro de 2007 às 02:06

Biba anónimo!

"L freno de la pixa"?!!...ah, ah, ah, ah, ah
cun essa bien me fodiste... la próssima que quejir daprender uas palabricas an Mirandés, yá lhieba que cuntar.
A ber se nun se me squece de la registrar cumo spresson eidiomática de alto calibre.
Abraço
poucabergonha a 30 de Dezembro de 2007 às 14:27

Biba, fallen, the countess!

Ah rapaza, ha des dar licença que te trate por Cundeza! Nun ye por nada, ye que se me alhebanta más de brebe l palo, solo de te manginar de la nobreza. Para foder l pobo, hai por ende muito specialista, nun perciso de benir you inda a botar ua mano!
Muito oubrigado puls agabones, mas you más habie gustado que deixaras l númaro de telemoble.
Agora quei?! Agarro-me als agabones anquanto a zgalhar la punheta ;)
Abraço,
ou por outra, ua lhambidela de riba anté l fondo
poucabergonha a 30 de Dezembro de 2007 às 14:37

Biba, caralho m'arrafoda!

Scuita, a mi tamien me gústan las punhetas, mas quiero más bien uas fodas...ye más pul cumbíbio!...
Tu tamien, home, scusabas de me poner assi las nalgas a la muostra...sabiemos you i tu donde l retrato benie, i ls outros quedában a julgar que l habie ambantado you! ;)
Abraço
poucabergonha a 30 de Dezembro de 2007 às 14:43

Biba Tortulhas!

Se me falais an "febra" mirandesa, you si sou capaç de bos aparecer por ende, que yá ando mei anfastiado desta chicha "ampacotada" de la cidade, cómen más ls uolhos que outra cousa, quando se bai a zanrebulhar...molzaca i sien gusto que you sei alhá!
Abraço
poucabergonha a 30 de Dezembro de 2007 às 14:51

Dezembro 2007
Dom
Seg
Ter
Qua
Qui
Sex
Sab

1

2
3
4
5
6
7
8

9
10
11
12
13
14
15

16
17
18
19
20
21
22

25
26
27
29

30


arquivos
mais sobre mim
pesquisar neste blog
 
Subscrever por e-mail

A subscrição é anónima e gera, no máximo, um e-mail por dia.

blogs SAPO