Uas fodices an Mirandés

08
Jul 08



Pus muito bien, bou anton a cuntar-bos l que me passou, que me iba fodendo, quaije me lhebaba l diabo.
Andaba you acá na mie bidica, fodido i cuntento, antretido cun la mie segunda cunjugaçon, c’ua pierna trás de l’outra, i bai, i passou-me ua de l caralho. Ah, ye berdade, calhando nun sabeis l que ye isso de andar antretido cun la segunda cunjugaçon... pus, caralho, pus ye tratar de la bida solo cun berbos de la segunda cunjugaçon, que acáben an ER, benindo donde ben, barato stá de ber que ye quemer, buer i puder, digo-bos-lo you, foucabergonha... filha de la puta de graçola esta tan metida eiqui a la presson... bós tamien que pensais?!, esta merda de bos star a cuntar eiqui la bida cun Maridília eilhi sbargalhada ne l sofa, assi solo cun la cumbinaçon i quaije a amostrá-me las nalgas, tan redundicas, foda-se, you nun me cuncentro, anrebúlhan-se-me las eideias, nun assossego cun miedo que la rapaza agarre friu, i nun sou capaç de ancarreirar la scrita an cundiçones, caralhos m’arrefódan, nun sei se bos acabarei l ansinamiento d’hoije sien me chegáren ls lheites als peitos... i mirai que ls peitos an que stou a pensar nun stan mi arriba!
Buono, l causo fui assi:
Andaba you anton a fazer yá nien sei l quei, ou por outra, andaba you anton a ber adonde l habie de amberrumar, que ye l que you ando siempre a fazer, i fui-me a mejar a un desses mejadouros que hai ne ls cafés. Staba you anton a albiar la tripa i a soltar uns peidaços a la buntade – buono, nó muito a la buntade que ls truços éran brancos i tenie miedo que se le quedara a coincer la trabaige que fazien al salir – quando nó, pon-se-me un prieto a mejar a la borda de mi. Nun bos póngades acá cun cousas que yá ben ende racismo, que nun respeita nada nien naide, que l que l fazie falta éran uas arrochadas trás de las oureilhas. Nun ye racismo niun, l tiu era mesmo prieto, you tamien podie dezir que era un andebido de quelor, mas foda-se, para alhá de quedar l testo mei apaneleirado, si apaneleirado, mi quelorido, queloridas son las mies amigas que me l ampréstan sien percisar de fiador, apuis solo faltaba poner ua cinta de la raposa para anfeitar l scrito... you nun quiero acá disso.
Nien disso nien de racismos, que you tanto bandimo prietas, cumo brancas, cumo burmeilhas, cumo amarielhas, cumo l que fur, que nun sou scumioso, you para ber se son buonas para la poda uso la técnica foucabergonha (foda-se, i dá-le cun l caralho de l trocadilho, mesmo sabendo que nun ten graça niua i que ye ua merda más batida que la çanfona de tie Palóncia). Para ber anton se puoden lhebar cun el, seia branca ou prieta, you sento-las nun passeio. Nunca falha: se le chegáren cun ls pies al chano, quier dezir que le puodo saltar para la spina!
Cun estas i cun outras, yá l scrito bai lhargo, bamos a parar porqui hoije, quedamos you i l prieto a mejar, un die destes cunto-bos l restro, para bos adoçar la boca inda bos pongo un retratico de ua de las tales mies amigas queloridas. Firmai-bos bien nel, i apuis beni-me acá cun racismos, que you respundo-bos que habeis de tener las nalgas an buono stado.
publicado por poucabergonha às 03:55
tags:

6 comentários:
Buonas tardes

Bá a ber antón se cun tanto ganado de raça cume l que se bei eiqui i que tu dizes qu'inda ai más nos almairos de la tue cozina, manda algues a la Baglina, nien que seia para estroçar la yerba que yá debe ir alta. Ibas a ber que boiada se armaba, nien era neçairo tocar a rebate!

Abraços
Boieiro a 8 de Julho de 2008 às 18:26

Buonas nuites,

Á tiu de la Gaita, solo agora arreparei ne l carimbo que ponistes a la punta de riba, que lhougo se me arrebolhiçórun las tripas. Mas que ben a ser esso: dá-se l causo de haber quien querga aterjeirar l que eiqui screbis? Bós mirai a ber que se fur perciso ua mano... que you cuido que hai guerras que merécen la pena i ua deilhas ye para defender la lhibardade. Bendo bien nin sei qual fui la buossa eideia: será que l carimbo esse ten mesmo de star eilhi, ou ye solo para mos poner a scaralhar acontra el?

Bá, buonas nuites i nun bos çcúidedes.
Amadeu
AF a 14 de Julho de 2008 às 02:24

À tiu de la Gaita, nunca pensei que la mie Felorinda bos fazisse meter l colhon na brilha. Eilha ten parte cul diabo, mas fazer-bos poner esse carimbo ye foda.
Botai-le alhá outras gueitadas que a mi bin jeito me fáien.
Jentonho a 19 de Julho de 2008 às 02:27

Dius mos deia buonas nuites!

Ah boieiro, anton si te parece que este miu ganado se afazie a stiar pula Baglina!?
Home, se beis que arranjas ua selombra fresquita, you lhiebo uas trés ou quatro, bás a ber cumo tenemos uas cumbersas cun lhuç bien burmeilha!;)
Abraço
Ah, Amadeu, eiqui podeis scaralhar contra ls carimbos todos que quejirdes!
Inda que se mos arrepíçen ls pelos a todos, you pus-lo eilhi porque çcunfio que hai muitos que nun le conhécen - para que se le lhembre bien! Assi, anquanto agúçan l lhápeç azul para riscar esta merda de riba abaixo, dan eilhi cun ls cuornos, será assi cumo un speilho, i puode ser que yá nun se le antolhe tanto "censurar"!
Abraço, i, cun carimbo ou sien carimbo, tornai siempre!
I bós, ah tiu Zentonho, que falta faziedes porqui, cun la buossa Felorinda... you se nun fura por l respeito que tengo por bós, peç-me que eilha fazie-me "carimbar" mas era noutro sítio, ua tie assi tan çpachada i tan bibideira!
Bah, tornai siempre i cuntai-mos las nobidades!
Abraço
poucabergonha a 19 de Julho de 2008 às 03:37

Buonas nuites

Antón nun afai?! Yerba i auga a la farta, selombras nas touças, nas çreijeiras ou nos milhos ... ui ui que boiada s'arma. Nien percisiamos de lhuç brumeilha! Trai trai que porqui anté le pagan las biaijes que l restante ye de graça i hai de sobra.

Abraços
Boieiro a 21 de Julho de 2008 às 01:17

Buonas nuites Tiu de la Gaita,

Gustei de la buossa splicaçon, mas inda gustei mais de ponerdes alhá l berso de Catulo, «Pedicabo ego uos et irrumabo», pus cuido que l stais a dedicar a essses tales de l lhapeç azul i de l carimbo. Esse Catulo tamien armaba uas fodices balientes an lhatin. Un die deste bou-bos a traier acá mais un poemica de ls del.

Amadeu
AF a 21 de Julho de 2008 às 02:19

Julho 2008
Dom
Seg
Ter
Qua
Qui
Sex
Sab

1
2
3
4
5

6
7
8
9
10
11
12

13
14
15
16
17
18

20
21
22
23
24
25
26

27
28
29
30
31


arquivos
mais sobre mim
pesquisar neste blog
 
Subscrever por e-mail

A subscrição é anónima e gera, no máximo, um e-mail por dia.

blogs SAPO