Uas fodices an Mirandés

24
Dez 07


You nien habie de misturar l Natal eiqui nesta bodega, mesmo porque, al fin de cuntas, ua trancada tanto se dá ne l Natal cumo noutra altura qualquiera (inda que an termos técnicos nun seia bien assi, por bias de l tal sprito de la harmonie i de la fraternidade antre ls homes, ls quartos de las rapazas zapégan-se más debrebe), mas cumo tengo eiqui este retratico de Palmira - i que bien que eilha quedou, nien parece nada que benie de dues horas de strafego quando lo saquei - era quaije un pecado nun bos lo amostrar.


Aporbeito para desear a to la giente - homes i ties, nun seia que bengan pori cun acusos de misogenie, la mie cumbersa pon-se bien a la muoda par'isso, you bien l sei, la redadeira psicóloga que tal me dixo nun tardou a star cun la boca chena de chicha, apuis you "anton agora yá nun te pareço misógino", i eilha "calha-te nun seias bbbrrlll...", buono quiero, anton, desear-bos, a todos que teneis la pouca bergonha de benir eiqui, un Natal cun muita salude, alegrie i paç. Muita paç!


You, por mi, celebro siempre l Natal cun muita paç: zbiro la rapazica cumo está la de l retrato, chubo-me apuis you na burranca, apunto, i....paç...paç...paç, paç, paç, paç, paç, nien l Gandhi se me achega als carcanhales ne l que respeita a paç!
publicado por poucabergonha às 02:52
tags:

21 comentários:
Die de Natal…
Home, mas que eideia rebaixar-se assi tanto cun essa sue « fralda de fuora » i « essa sue filosofie nada alta » ? Splique pul cuntrairo cun essa sue lhéngua de chicha l que antende quando diç :
bbbrrlll... (You nó, nun sei splicar; sou ua mulhier, l que bal i l que sabe ua mulhier ?)
Falar ua lhéngua que se antenda, home… Bien puode, mesmo que nun querga ser « antelectual »… i depuis toca la gaita !
Ana a 25 de Dezembro de 2007 às 01:37

Feliç Natal i buon anho nuobo, cargado de muita strafeguiçe i screbidelas (cun suorte al sonido de uns bbbrrrlllls....)
manel a 26 de Dezembro de 2007 às 01:37

Biba Manel!

Bun anho nuobo tamien para ti i que 2008 me mande a mi la metade de ls bbbrrrlllls que a ti te deseio.
Yá reparei que puniste la ligaçon parqui ne l blogue de Fuonte Aldé.
Apuis se ls cabos de la guarda de Miranda ou outro zeladores pula moral i puls buns questumes bos pedíren cuntas, you nun quiero "respunsabelidades", inda que "respunsabelidades" seia femenino!...I plural!!
Abraço
poucabergonha a 27 de Dezembro de 2007 às 01:20

Buonas nuites Ana,

Solo dues ou trés noticas, por orde de amportança:

1 - Que 2008 bos traga, a bós i als buossos, todo de buono que deseiades, an special las ganas de cuntinar a screbir an Mirandés;

2 - Oubrigado pula buossa besita. Pul que screbistes, bei-se que listes todo, quementairos ancluídos, dou-bos ls parabienes pula pacéncia i pul "stómado";

3 - You yá l dixe ende para baixo, mas agora repito-lo (i solo l repito porque, inda que nun bos cunheça, yá bie que tamien fazeis parte de la Quadrilha de las Froles Mirandesas, i essas pessonas me merécen todo l respeito), repito, anton, que la bison que eiqui se ten de l mundo i de la bida (i, por tabela, de las ties) ye la bison zde ls balcones de las tabernas mirandesas, cun la scuolha lexical i las "eideias" al cunsante! Ye legítima i bien outéntica, nas palabras de Tiegui i de la tie de Almendra!
Nun ser capaç, ou nun querer, antender isso ye un porblema que nun me tira l suonho. Para ousar las palabras de un sábio: You nun drumo par'esse lhado!

4 - Cumo nun sou assi burro de todo, stou a la spera de muitas críticas que, cunfesso, seran cumo ramos de froles. La lhibardade que quiero para mie, nun la bou a negar als outros...
Agora que l purmeiro acuso fura l de nun falar claro, isso cunfesso-bos que me deixou arrelhampado. Cun buossa licença, pongo-lo ne l pote de las "outras oupeniones"

Rodapé - Cuncordo cun bós que la ounomatopeia (cumoquiera que ye assi que se diç an Mirandés) nun ye la más famosa, mas, cun las priessas, fui l que se me arranjou.
Assi i todo, Manel debrebe la antendiu, ha de haber sido por bias de tamien ser macho!...

Cumprimentos i renobos de ls botos de bun anho nuobo
poucabergonha a 27 de Dezembro de 2007 às 01:46

Agora que l purmeiro acuso fura l de nun falar claro, isso cunfesso-bos que me deixou arrelhampado. Cun buossa licença, pongo-lo ne l pote de las "outras oupeniones"

Rodapé - Cuncordo cun bós que la ounomatopeia (cumoquiera que ye assi que se diç an Mirandés) nun ye la más famosa, mas, cun las priessas, fui l que se me arranjou.
Assi i todo, Manel debrebe la antendiu, ha de haber sido por bias de tamien ser macho!...

Cumprimentos i renobos de ls botos de bun anho nuobo

Cumo ye que pretende, tiu… sien nome, falar claro se la sue scuolha ye precisamente de se scunder atrás de l anonimato ? Nun somos nós, nó, tampouco assi tan burros para nun ber adonde stan las sues cuntradiçones (cuntradiçones cumo tamien las hai na obra de l poeta que citou lhougo ne l ampeço deste sou site sien bergonha, sabie ?).
Acredita anton ou quier mesmo deixar a antender que ye perfeitamente legítima essa sue bison machista i misógina ? Outéntica tamien porque domina ne l sou antender las cumbersas que sírben para passar l tiempo zde ls balcones de las tabernas, pula cierta porque nun hai mais nada para fazer ou dezir ?
Nun cunfunda !
Legítima ye la lhiberdade de pensar i até de dezir aqueilho que le passa pula cabeça ou outra cousa qualquiera… até pula gaita ou pula çanfona, instrumentos prediletos ne l sou caso !
Mas adonde stá la LEI que outoriza a acumparar, denegrir i rebaixar aqueilhas que nun son « machos » a « ratas » ou a « burrancas », retomando, para que todo quede bien claro, essas mesmas palabras que ousa ne ls sous testos i comentairos ?
Nun eisiste la LEI !
Hai cunfusones por cunseguinte naqueilho que diç. I ye por esso que la ounica soluçon ye fazer cun que la sue filosofie nun quede assi nesse stado tan primairo. Mas cumo ye que bai a ser possible cun esso miedo danado que ten de ser comido un die por ratas ou de dar un die ua caída quaije mortal cun ua burranca algo braba ?
Antes que muorra de beç obsecado dessa maneira por tanta rata i tanta burranca , pense bien ! Talbeç tenga mais antresse i cunsiga até melhor suonho ne ls braços dua Dulcineia se cunseguir recebir un die esses ramos cun ls squales talbeç sonha todos ls dies…
Ramos de froles,claro ! Agora ratas i burrancas !

Screbi este miu comentairo depuis de haber recebido l’ambora segundo la qual fui assassinada ua democrata candidata a eleiçones ne l Paquiston. Acá para mi, aqueilhes que la assassinórun só podien ser… ratos i burros !
I beia bien tamien : nun hai gaita ningua agora que la puoda reçucitar.
Ana a 27 de Dezembro de 2007 às 23:37

Cumo ye que pretende, tiu… sien nome, falar claro se la sue scuolha ye precisamente de se scunder atrás de l anonimato ? Nun somos nós, nó, tampouco assi tan burros para nun ber adonde stan las sues cuntradiçones (cuntradiçones cumo tamien las hai na obra de l poeta que citou lhougo ne l ampeço deste sou site sien bergonha, sabie ?).
Acredita anton ou quier mesmo deixar a antender que ye perfeitamente legítima essa sue bison machista i misógina ? Outéntica tamien porque domina ne l sou antender las cumbersas que sírben para passar l tiempo zde ls balcones de las tabernas mirandesas, pula cierta porque nun hai mais nada para fazer ou dezir ?
Nun cunfunda !
Legítima ye la lhibardade de pensar i até de dezir aqueilho que le passa pula cabeça ou outra cousa qualquiera… até pula gaita ou pula çanfona, instrumentos prediletos ne l sou caso !
Mas adonde stá la LEI que outoriza a acumparar, denegrir i rebaixar aqueilhas que nun son « machos » a « ratas » ou a « burrancas », retomando, para que todo quede bien claro, essas mesmas palabras que ousa ne ls sous testos i comentairos ?
Nun eisiste la LEI !
Hai cunfusones por cunseguinte naqueilho que diç. I ye por esso que la ounica soluçon ye fazer cun que la sue filosofie nun quede assi nesse stado tan primairo.
Mas cumo ye que bai a ser possible cun esso miedo danado que ten de ser comido un die por ratas ou de dar un die ua caída quaije mortal cun ua burranca algo braba ?
Antes que muorra de beç obsecado dessa maneira por tanta rata i tanta burranca , pense bien ! Talbeç tenga mais antresse i cunsiga até melhor suonho ne ls braços dua Dulcineia se cunseguir recebir un die esses ramos cun ls squales talbeç sonha todos ls dies…
Ramos de froles,claro ! Agora ratas i burrancas !

Screbi este miu comentairo depuis de haber recebido l’ambora segundo la qual fui assassinada ua democrata candidata a eleiçones ne l Paquiston. Acá para mi, aqueilhes que la assassinórun só podien ser… ratos ou burros !
I beia bien tamien : nun hai gaita ningua agora que la puoda reçucitar.
Ana a 27 de Dezembro de 2007 às 23:43

Buonas nuites, Ana!

"Tanto la más eilebada cumo la más baixa de las formas de crítica son a modos a ua outobiografie.(...)
Toda la forma de arte ye al mesmo tiempo superfice i símbolo.
Quien bai para alhá de la superfice bai por sue cunta. Querer ler ls símbolos ten ls sous peligros.
An berdade, ye quien bei, i nó la bida, aquilho que la arte speilha:"

Oscar Wilde, Perfácio de "The Picture of Dorian Gray".

you quedo triste por tanta amargura
poucabergonha a 28 de Dezembro de 2007 às 01:43

Buonas nuites Tiu de la Gaita,

Será que you tenie algue rezon quando dixe que parecie que stábades a antrar por alta
filosofie, inda que de taberna mirandesa, cumo bós dezis? Se bós até yá fazeis comentairos cun puntos uns atrás de ls outros i todo... esso solo de filósofo!

L que mais me gustou an bós fui ua cierta quaije respeitable falta de bergonha, ou poucabergonha ou até sien bergonha... i spero que nun pérdades essas buonas culidades.
Botai-mos, anton, para acá las tabernas mirandesas (inda las hai?).
I deixai comentar a quien comenta, cumo le dir la gana (bei-se que sodes un tiu que gustais dessa cousa guapa que ye la lhibardade). I nun quedeis triste culs comentairos, porque ua gaita triste ye un porblema mui cumplicado de resolber, cumo bien sabereis. Claro que ye ua crítica justa dezir que l buosso blogue ye machista. Anton, hai bun remédio: puode ser que haba quien querga fazer un contrablogue femenista. Acho que la lhéngua mirandesa bien merecie ua cousa assi.

I you que lhougo ampecei cun agabones... nun quiero perder essa rezon. Bá, nun zanimeis.
Ende bai un abraço.
Amadeu a 28 de Dezembro de 2007 às 02:01

Pus you assino abaixo de las palabras de tiu Amadeu. La lhêngua mirandesa para cuntinuar biba nun puode solo falar de bacas, lhameiros, peinhas i gueiteiros. Qu'aparezcan blogues de feministas anraibadas, anformáticos sacristanes, l que seia, mas an mirandês. Quando acuntecir tal cousa, ye sinal que la lhêngua mantene-se actual i biba, pur cunseguinte.
Ah tie Ana, nun bos anfadeis, isto de ls blogs son solo artigos de oupenion, dezir l que se quejir, para quien quejir ber (ler). Yá l nome de l sítio lo diç: poucasbergonhas...
Siempre que hai passadas geniales, bénen siempre cun ua bosta apegada a las botas
manel a 28 de Dezembro de 2007 às 23:29

Manel, passadas geniales nun dirie, mas passadas genitales! Gaitas i çanfonas a fazer un camino, lhado a lhado sien smorecer... que bacanal! Arrefoder! Caralho de sinfonie de passadas...
Anónimo a 28 de Dezembro de 2007 às 23:47

Dezembro 2007
Dom
Seg
Ter
Qua
Qui
Sex
Sab

1

2
3
4
5
6
7
8

9
10
11
12
13
14
15

16
17
18
19
20
21
22

25
26
27
29

30


arquivos
mais sobre mim
pesquisar neste blog
 
Subscrever por e-mail

A subscrição é anónima e gera, no máximo, um e-mail por dia.

blogs SAPO