Uas fodices an Mirandés

02
Fev 08

Pus ye berdade, ando cunsemido cumo l caralho que nun sei quien ye l padre Einácio! Nunca soube! I you yá zde garoto que oubo amentar tanto nel: ls colhones de l padre Einácio isto, ls colhones de l padre Einácio aquilho, quando you le pedie denheiro a miu pai, yá sabie que me mandaba a saber del als colhones de l padre Einácio, inda un die destes you jurei na tasca que l benfica iba a ganhar l jogo, i apuis al fin tube que oubir: biste? ganhou mas fui ne ls colhones de l padre Einácio, foda-se...i you sien conhecer Einácio niun...quanto más padre!
You bien sei - i hai por ende muito quien puoda çtemunhar - que ls padres si ténen ls colhones bien negros i bien puostos ne l sítio. Bundarie las ringalheiras de filhos que se passéian por ende para naide l poder negar. Bah, stá bien, afilhados!
De maneira que, colhones de padre, you inda bá...mas Einácio? Porquei?!!
Ye cumo quando passa ua rapaza nuoba, cun l amoije a abanar más que las campanas de la eigreija an die de Páscoa, i un oube dezir: aqueilha stá buona cumo l milho!
Cumo l milho?! Foda-se, cumo l milho?!!
Anton nun bonda bien la zgrácia de nun se poder ir assossegado al cinema, que nun steia un caralho trás de nós, crrrac, crrrac, a maçcar la fodice de ls granos de milho assado, para apuis inda tener que oubir dezir que ua poça buona para anterrar l çadon ye cousa buona cumo l milho!
You miro para un caralho de ua maçaroca de milho i solo beio isso mesmo: un caralho! Nó, nun beio ua silhueta fálica, nun bos póngades acá a çaçamelhar, you beio mesmo ua pixa.
Si, ua pexota, i digo-bos yá que nun se puode acumparar ber passar ua potra cun bun amoije, cun manginar ua pixa dreita. A mi pon-se-me la pixa dreita - capaç de arrebantar cun ua peinha - l que ye cousa bien çfrente.
Mas hai más: chamaba-te un figo! quei caralhos quier dezir?
Que se quemie solo de un muordo, cumo you le fago a la que trabalha na mesa a la borda de la mie, que nun hai beç que l patron nun salga un cachico, que you nun la pape bien papadinha, nisquiera me serbiu de eimenda aqueilha beç que antalhei la pixa ne l caralho de l fecho de las calças, cun las priessas por bias de l home, filho de la puta (çculpai mas you nun perdo ua çculpa para le chamar filho de la puta al patron), por bias de l home, anton, se haber squecido de ls dequementos...
Mas i anton quien nun gusta de figos? Chama-le maçana? Ou pera? Balancie nun me parece buona scuolha, i l más cierto serie arrecebir ua lhostra de respuosta...
You solo beio ua splicaçon: se pansardes un cachico, dareis-me rezon se you dezir que hai ua cierta analogie, si, ua cierta acumparança, antre abrir un figo, repuxar assi la casca para las bordas, para anterrar ls çufinos ne l doce de l figo i mos lhambuzarmos a quemé-lo, i, ua acumparança, assi, cun zbiar, assi, las bordas de la cona para podermos anterrar alhá bien ls çufinos. I mos lhambuzarmos todos, stá buono de ber!...
L porblema son las graninas de l figo, que refóden la mie teorie i quédan a más! Si, que you, por bien pouco amiga que la rapaza seia de l auga i de l xabon, inda nun fui capaç de ancuntrar niua a quien le salira de alhá broça assi dessa culidade.
Solo ua beç ua, un caralho de un stafermico roin, staba alhá anton you animado de queixos, a dar-le la buolta de calcimiento al motor, i ampéçan-le a salir de la çanfona dous ou trés selos de ls correios, que you, caralho, quaije me iba aguemitando. I mirai que you nun sou mi scumioso!
Stube para le dar dous cuntapies naquel culo, que l fura a lhabar, mas apuis firmei-me melhor i l caralho de l papeles nun éran selos de ls correios, éran dous desses papelicos outocolantes...a dezir Bananas da Madeira! Poupei-le ls cuntapies i ansinei-le l que era ua berdadeira banana... de la Colombia.
Tamien se podie eiqui falar de grelos, mas bai a quedar para outra beç que la cumbersa hoije yá bai bien cumprida. I inda falta la splicaçon pa l retrato de riba. Que caralhos ten que ber l retrato cun la scrita? Buono, ten todo i nun ten nada, yá bos lo digo: cumo you sou un democrata i gusto de ber to la giente cuntenta, pongo l retrato por bias de saber bien que hai muitos que solo bénen porqui para ber ls zeinhos, i you nun quiero que se anraiben cumigo i pori me bíren las cuostas i me mánden foder por falta de assunto!
Buono, pansando melhor, se fur ua rapaza nuoba, nun será assi tan mal que me bire las cuostas i me mande foder!
publicado por poucabergonha às 00:42
tags:

14 comentários:
Kakakakakakakakaka... Em relação aos selos que descolaram enquanto lambias o grelo, eu cá tinha caído para o chão na puta da gargalhada!!! Tu só comes bichedo caralho!!! :D
Fallen, The Countess a 2 de Fevereiro de 2008 às 14:49

Biba Cundeza!

Caralho, cada beç que sinto la tue risa porqui, anté me passo de l freno de la pixa, para ousar las palabras de un amigo anónimo eiqui de la casa!
Quedo bien cuntento que bengas porqui, Dius te l pague!
Se Dius nun te l quejir pagar, anton pago-te-lo you, i deixo-te fazer parte de l "bichedo"!
Beijico...ou lhambidela
poucabergonha a 3 de Fevereiro de 2008 às 01:08

Foda-se poucabergonha, como las anroscas!!!tenes sin dúbida jeito pa la scrita.
Tengo dibulgado rste tou trabalho e todos l tenen agabado.
Mira que you tamien siempre oubi falar de l padre Einácio e de ls sous famosos colhones, mas nun te puodo ajudar porque tamien nun l conheço.
Um abraço
Félç
Anónimo a 3 de Fevereiro de 2008 às 11:29

Biba Félç!

Que cuntento quedo por ber que inda cuntinas porqui!
Tu pon-te a dibulgar, pon, i apuis diç-le que te pónen la ASAE a la puorta.
I tamien isto nun ye bien un trabalho...tu bei-lo más assi cumo un deber cíbico, para que esses rapazicos nuobos nun se déixen assi androminar pul purmeiro xodairo que lo deia a porbar.
Ah Félç, apos'que l padre Einácio nunca abanou la sotaina ambaixo ls sobreiros de l Cabeço de la Trindade ;)
Abraço!
poucabergonha a 4 de Fevereiro de 2008 às 01:08

Bah ! Nun sei quien éra aquesse Padre. Que Dius lo tenga en buôna salude adonde quier que staia !

Si pudemos buer ua cerbeija a la casa dal pobo de Cicuiro, mas talbeç pa la Pascua qu'agora ando muito apurado i nun me da tiempo d'ir alla, i an mie casa nun me bas ancuntrar héhé
Tiégui a 4 de Fevereiro de 2008 às 13:35

Ah Tiegui! caralho, home, la Quaresma anteira a la spera de la cerbeija...buona foda me dabas se you stubira cun sede!;)
poucabergonha a 5 de Fevereiro de 2008 às 00:34

Caralhos t'arrefódan poucabergonha, l tou blog solo bino a traer porblemas. You que tenie un modo d'adominar l miu Jentonho i agora stou fodida.
Quando scutie cun el biraba-le l culo na cama, agora an beç de quedar fodido, puso-se-me a fazer pantominas culas manos i todo ameroso.
I nun ye que, cousa que nunca antes l passou pul'eideia,me ampeça a fazer cuçquinhas ne l culo cun la picha.
Caralho, que yá l'iba a botar fuora de casa.
Mas ampeça cun relambório, que solo querie fazer cumo tu i porque nun habiemos de spormantar i porque esto i aqueilho, yá me lhebaba meio cumbencida. Mas birei-me par'el i tube que fazer las pazes.
Assi yá bou a perder l mando.
Fecha mas ye esta merda i somos dues a quedar cuntentas.
Felorinda a 5 de Fevereiro de 2008 às 21:43

Biba Felorinda!

Quedei tan cuntento por bos ber por eiqui que nun manginais!

I más cuntento inda por saber que ls mius serbiços - tan probes -sírben para fazer las pazes cun l buosso home, bós que fazeis ua família mirandesa tan legítima!
You nun puodo salir por naide, que bien sabeis que tiu Jentonho tamien ben parqui de serano i nun me cheira que se le angulha bien ber-me assi de cumbersa cun bós, mas si me gustaba bien saber cumo bos bai indo la bida i cumo bos quédan las cousas apuis destas modernices todas.
Yá sabeis que la chabe stá na buraca ( que naide saba que you bos ando a falar an buraca...), de maneira que acá bos aspero quando quejirdes.
poucabergonha a 6 de Fevereiro de 2008 às 02:57

Se tenes sede bai a la fuônte !
A mie la cerbeija amarga-me i fai-me burbulhas al moco.

Yê berdade que nunca bie ende peracha al léo, nin eiqui, nin an outro sitio. Ya assi puderies mos dar a you i als outres que nun saben cum yê que se fai (de maneira mecanica) pra dar un beijo a ua rapaza (un beijo ne la boca).

Ya assi, se lo fazes agradeço-te.
Tiégui a 6 de Fevereiro de 2008 às 11:56

Buonas tardes Tiu de la Gaita,

Ácerta, que tamien you nun sabie essa de ls «colhones de l Padre Einácio». Mas, sabiedes que hai ua cantiga [se se puoden chamar cantigas a esso] de l Zé Cabra subre «Os tomates do Padre Inácio?». Son ls «tomates» de la huorta de l Padre Einácio [que parece que éran rabanetes, i l almanecha de l padre anganhaba todo mundo] que son afamados. De tomates de la huorta passórun a tomates de ls outros i cumo las cousas ténen que tener sou nome, son «colhones» i nun se fala mais no assunto, que queda todo bien çclarado.
Las cousas que bós ides a saber i traieis parqui, á Tiu de la Gaita! Solo bos deixo eiqui ua pregunta, pus quedei cun dúbedas: un padre que bendie rabanetes por tomates, poderá cunsidrar-se un padre de colhones? Serie por bias desso que quedou na fama de l pobo? Deixo la repuosta al buosso grande saber.

Yá torno,
Amadeu
AF a 7 de Fevereiro de 2008 às 15:06

Fevereiro 2008
Dom
Seg
Ter
Qua
Qui
Sex
Sab

1
2

3
4
5
6
7
8
9

10
12
13
14
15
16

17
18
19
21
22
23

24
25
26
27
28
29


arquivos
mais sobre mim
pesquisar neste blog
 
Subscrever por e-mail

A subscrição é anónima e gera, no máximo, um e-mail por dia.

blogs SAPO