Uas fodices an Mirandés

31
Dez 07

Hai dous ou trés dies deixórun un quemantairo que, pul santido pedagógico, merece bien passar para la purmeira página. Nun bai assinado, que nun quejírun assinar, i you nun sou polícia para andar a saber de quien screbiu. Inda se fura ua anónima...


Ponei anton las manos ne ls narizes:


"Poucabergonha, àh Poucabergonha, sós bien pouca bergonha. Sien que tómen a un por andador d’arreculas, sabes, ser-se paneleirote, que tenemos que respeitar, nun sei se puode anquemendar un testico subre l cagar. Tu botas-le tan bien a estas merdas! Ye que, nun beis, tu agora bibes an pie l mar, yá solo cagarás an l’arena de la praia, ó anton an retretes. Puta que pariu las retretes! Porque solo lhimpas las nalgas a papel ameroso, yá andarás squecido de quando ponies las nalgas a cagar al aire friu i lhimpabas l cuolo a ua piedra i al mesmo tiempo fazies ua cantiga. Ua cantiga de merda, mas mesmo assi ua cantiga. Era l tiempo an que un se ponie dreito i daba para ber la caganeira que botaba fuora: dura, dóndia, çfuira, amarielha, negra, a las torcidas, splanchada. Pois, l bulhon podie tener muita forma i feitiu. Tengo un amigo que nistante diç: “l cagar ye la cousa más doce que dius botou al mundo”. Berdadeira merda era quando un andaba culas calças na mano i nun aparecie un caralho dua parede para un se poner atrás, arrefoder, que puta de merda pegada. Quando cagaba melhor, era quando comie berças, antramoços, ó anton castanhas robidas: l cagar até s’oubie. Foda-se… Era assi a mode un sonido rouco… la merda salie cua gáçpia, era un cagar alegre! Parece que la torcida salie cuntenta. Yá biste l tipo de merdas que habie: de giente, merda própiamente dita, cagalhones, buostas, merda de cochino, canina, caganetas, galhinaças, ls gatos siempre tubírun un cagar i un foder squesito, sien nome nien l caralho! Ber cagar ua Rata de Biblioteca II daqueilhas bien repeinadas, cul cuolo al aire habie de tener que ber. Mas isso serie un berdadeiro peligro: cun tamanha bison inda un home era capaç de mandar la pixa a la merda. Yá me squecie, quien ten que fazer l testo sós tu, se nó, foda-se, inda m’agarras por un caralho dun caganeira de merda. Se apuis de fazeres l testo sonhares cun merda, nun t’apequentes, dá suorte! Quanta mais merda mais puta de suorte hás de tener. La cumbersa yá ampeça a cheirar mal i naide se cagou, l melhor ye cerrar l palheiro."


Arr'afoder! Ye de scritor! Que merda de cumbersa! Ou que cumbersa de merda!! I apuis you ye que sou l zbocado!

Ah anónimo! I anton aqueilha de las dues pitas que stában a sgarabatar uns granicos de la buosta inda fresca i diç ua:

- Ui! You yá nun como más que yá me einojei, quaije me iba aguemitando! Stá eilhi un pelico mei retrocido, puode ser de ua pantelheira!


Sabes que you, por mintira que pareça, quando stou mei zapaçanciado i cun poucos bagares, inda quiero melhor cagar do que dar uas fodas.

Ye que apuis de cagar, un nun ten que se abraçar al poio, a fazé-le festicas i als beijicos, a perguntar-le se tamien le gustou ou se fui tan buono para el cumo para nós!


Cun esta cumbersa, iba-me squecindo de bos desear buonas "salidas" i melhores "antradas"!

You i Carminda yá ampecemos ls brindes! Eilha diç que asseguraba l copico, anquanto you le sacaba l retrato. Bista assi, inda nun ye mi feia de cara!

Bós aposque passais l anho an família, cun muitos botos de salude, de paç i de alegrie i dessas fodices todas. Fazeis bien! Solo nun bos squéçades que de buonas antançones stá l anfierno cheno!

You solo de amantar an anfierno, yá se me lhembra la grila de Carminda (al menos an rojura i an ferbura nun ha de andar loinge de la caldeira de l outro), bou-me anton a ber se pongo alhá un palmo de "buonas antançones"!


Quei?! Nun ten un palmo?!! I inda le sobra la cabeça! Se nun bos fintais mandai acá las buossas armanas a medir, i apuis bereis se nun agárran melhor pelaige para 2008!
publicado por poucabergonha às 16:18
tags:

4 comentários:
"Caga l Rei i caga l Papa,
sien cagr ie que naide scapa..."
PalMeiros a 2 de Janeiro de 2008 às 09:24

Kakakakaka...Cheira-me que tens concorrente à altura... Tu a desbravar linguiça e o outro a cagar no terreno! ;)
Fallen, The Countess a 2 de Janeiro de 2008 às 17:38

Biba Palmeiros!

Bien benido a la poucabergonha!
Nien que seia para cagar!
Abraço
poucabergonha a 4 de Janeiro de 2008 às 14:58

Biba Cundeza!

Tu ha des ser bien refinada!...;)
Nun te quieres ajuntar a nós!? Yá biste que trés pies de banco!...

Beijico i muita lhambidela
poucabergonha a 4 de Janeiro de 2008 às 15:01

Dezembro 2007
Dom
Seg
Ter
Qua
Qui
Sex
Sab

1

2
3
4
5
6
7
8

9
10
11
12
13
14
15

16
17
18
19
20
21
22

25
26
27
29

30


arquivos
mais sobre mim
pesquisar neste blog
 
Subscrever por e-mail

A subscrição é anónima e gera, no máximo, um e-mail por dia.

blogs SAPO