Uas fodices an Mirandés

01
Mar 08


Un amigo de Gina, la cabeleireira que you ando a papar zde trasdontonte - que inda pon la parrachica más roija que tiu Artúrio ponie la frauga - un amigo de la Gina, anton, agarrou cunfiança cumigo sien naide nunca le haber mostrado mi bun calantriç, i l caralho bai, anton, i cumbida-me para lanxar.
Lanxar??!!...Cun ls pelos de l cachaço todos arrepiçados i quaije ciego de tan refodido que quedei, spetei-le semelhante punhada nas bentas que l filho de la puta açufinou lhougo a la purmeira.
Cumo nun fago tençones de mirar outra beç para la selombra de semelhante abantesma, deixo-le eiqui este recadico, que partilho cun bós, por bias de l sou anteresse pedagógico para las nuobas geraçones:

Ls homes nun lánxan, sou cara de caralho! Meréndan, pá, meréndan, oubes bien! Un carolo de pan i cualquiera cousa: un cibo de chicha assada que sobrou, ua lhasca de persunto, uas rodaixicas de chouriço, ua cebolha rachada al meio...
Pá, un home que tenga bergonha na cara nun entra an pastelaries, caralho, a nun ser para nun deixar derramar l cerco que andemos a muntar a algun xodairico, assi cumo quien bai a ranas para la ribeira, i nun ten outro remédio senó amolhecer ls pies na auga para le chegar cun la bara, solo se bai a las pastelaries a caçar, tu nun oubes?, nunca para quemer, foda-se!
Manginai l streloque:
Un caralho, un desses spirros de punheta mal batida que hai por ende, entra na pastelarie – camisola a dezir CK (Caldos Knorr??...), calças burmeilhas i çapatos de bela (para ir de bela!?...), senta-se i cruza las piernas, cun l pezico trás de la outra canielha.
-Era un Palmier i un chá de tília, cun adoçante, fai fabor!...
Palmier?! Tilia?!! Adoquei??!!....
Caralho, pedir un palmier ye cousa que de berdade ambergonha un macho! Que se le puoda cumparar an baixeza, solo l eclair, la tíbia, l jesuíta i, claro, todas las culidades de folhados i de queques. Un home que seia home nun conhece l nome de más que dues ou trés culidades de bolhos: la bien pertuesa nata i la aceçonada bolha de berlin – las oupeniones debíden-se ne l que respeita al croissant, you stou tantado a nun l aceitar, purmeiro pul nome, mei apaneleirado, i apuis pula possiblidade de mistura cun cumpotas, l que lhieba lhougo a la heipóteze de l light (brrr...), moras, moránganos, framboesas....fruitos silbestres!... P’ra ls berdadeiros homes, silbestres son las buieiras i las pastoras, quando un las acaça pul termo, alhá adonde cántan las raposas, oubes bien?, a la brigada de la parede de ua huorta ou ne l meio de ua touça, ye l que you le chamo retouçar!...
Apuis manhana, splico-te de l chá i de l adoçante, a la ua, hoije yá ye un cachico tarde, a la outra, yá bieno eiqui Balbina - que bien que quedou neste retrato que bos amuostro - yá bieno eiqui trés bezes a ber se you inda tardaba muito an zlhargar esta merdice, i bós yá sabeis que you nun me gusta deixar muito tiempo la cria a ournear sien la aquemodar!...
publicado por poucabergonha às 00:35
tags:

12 comentários:
Caralho poucabergonha! fudiram-me l cinquenta! mas an pagas sou l pormeiro eiqui.
Anton nun te gustan ls boilhos? pastels cumo l chaman ls fidalgos, mira que a mi si me saben, foda-se son docicos, de ls que mais gusto ye de ls donuts, aquel buraquito assi redundico fai-me lhembrar l culico de Matilde.
Mas para bien merandar nun hai cumo uas lhascas de presunto, ou até bacalhau a cortar de la pescada caralho, de preferencia na dega a la borda de la cuba, chena claro, que se nun tebir, cuolhe-se por riba cun l copo a la moda de tiu Zé Maria e tiu Bergino, sabes essa? e aqueilha de tiu Caleijo? ..."balhota, fai-me ua cena que bote fumo".
Nun fodas muito que se gasta la pixa, mas porta-te mal.
Cumprimentos
Félç
Félç a 1 de Março de 2008 às 13:31

Kakakakakakakakakakaka... Essa da merenda partiu-me toda!!! A cebola rachada ao meio fez-me rir, mas o que me levou às lágrimas foi a do naco de chicha ou o chouriço com pão!!! Para quem andava a fugir de fanchonices ficaste preso pela braguilha!!!
Fallen, The Countess a 2 de Março de 2008 às 21:11

ahahha mui bien !
las barbeiras son las melhores. Quando staba pal Porto ua lhougo s'arrimou a mie quand'al dixe que benie de la França !

I essa que tal ? Si sustrica bien cum debe de ser ?
Tiégui a 5 de Março de 2008 às 16:22

Hui al jésuita ! que buôno yê isso tamien !

Mas spera alha melhor inda son als rocos !!!
Tiégui a 5 de Março de 2008 às 16:26

Eiqui queda un poema de Goethe, de la coleçon de ls sous poemas eiróticos i que dórun algun scádelo ne l tiempo. Çculpai-me, Tiu de la Gaita, mas cuido que queda bien eiqui, yá que dun blogue lhiterairo se trata.
Un abraço,
Amadeu




Eilegie romana XIV

Moço, acende l candieiro! «Inda nun ye de nuite. Bai
A gastar ólio i torcida ambalde. L quei? Nun quier que feche
Las puotas de las jinelas? Atrás las casas solo, mas nó de ls montes,
L sol se çpuso! Há de faltar ua meia hora pa las abe maries».
Bá, zgraciado! Faç l que re mando! La mie amiga spero.
Neste antretiempo cunsola-me, á lhuç, de nuite agradable anúncio!

Goethe [1749-1832]
Traduçon para mirandés de Fracisco Niebro [cun assento na traduçon de Jorge de Sena, an Poesia de 26 séculos, Asa, p. 184]
Amadeu a 11 de Março de 2008 às 01:05

Buonas nuites rapazes i rapazas de las poucas bergonhas!
Pus ye bien berdade que anda pur ende l flagelo de las comidas lights... Meio mundo mi mirradico sien nada para comer, e la outra metade a botar fuora porque angorda...
Pus you yá puodo dezir que stou de l outro lhado de la guerra de las calories! Anté mie mai yá me dixo que stou gordico (las mais siempre dizen "ah garoto, que pareces un palo de zbirar tripas!" mismo quando tenemos uns 90kg)
Ls únicos bolhos que me gustan son las bolhas de berlin, stou cuntento que las pongas na arca de ls bolhos d'home!
Bolhas de berlin solo cunsigo comer ua por merenda, mas anton un cacho buono de pan, chouriças e un presunto anteiro, isso sou home para quedar a dar-le als dientes ua tarde anteira! I anton ua pinga de miu pai para molhar la boca....
manel a 18 de Março de 2008 às 01:12

You bou nas natas! Dan-se-me...
Mas ua chouriça cozida d'onte...

"Carne d'hoije,
pan d'onte
i bino de l'outro anho,
fazen un home sano"
Palmeiros a 18 de Março de 2008 às 16:32

.....................................
.....................................
Epa.............. Dasse..............
....... 25 dias sem um novo post?! Isso é coisa de gajo fraquinho.......
.....................................
Tss,tss..............................
............. Já não és o meu idolo oh jovem dos chouriços!..............
.....................................
.....................................
Fallen, The Countess a 26 de Março de 2008 às 15:44

Buonas nuites, tiu de la Gaita,

Bengo acá, mas nun ye para bos craticar por nun andardes cun estas gaitadas palantre. Tamien nestas cousas purmeiro stá la oubrigaçon i solo apuis ye que bénen deboçones cumo esta. Inda se al menos bendíran «biagra de blogue»... mas inda nun ambentórun desso.
Ua pessona percisa te assossego, de sereno para estas cousas le salíren, dun «ócio» cumo aquel de adonde dízen que saliu la filosofie de ls griegos: á tiu de la Gaita, assi até you filosofaba, mira que admirança.
Al menos las pessonas podien fazer eiqui un comentairos porreiros, mas nó, báten a la puorta i béien que nun stá naide i scápan-se.
Anton, bá, yá chega por hoije i yá deixei l recado: este buosso blogue ye amportante - fui l purmeiro a dezi-lo i inda nun demudei de eideias -, ye amportante mas nun ten priessa. I nun zanimeis, que l bagar i l'anspiraçon han de tornar, quedar i durar.
Amadeu
AF a 9 de Abril de 2008 às 01:00

visitem este site, contem o cartaz da prova de vinhos que se realizara no proximo dia 17 de maio em Fonte de Aldeia

http://www.acrefa.pt/site/images/stories/Picarron/picarron%202008.jpg

abraços
Anónimo a 10 de Abril de 2008 às 00:17

Março 2008
Dom
Seg
Ter
Qua
Qui
Sex
Sab

1

2
3
4
5
6
7
8

9
10
11
12
13
14
15

16
17
18
19
20
21
22

23
24
25
26
27
28
29

30
31


arquivos
mais sobre mim
pesquisar neste blog
 
Subscrever por e-mail

A subscrição é anónima e gera, no máximo, um e-mail por dia.

blogs SAPO