Uas fodices an Mirandés

21
Nov 07
Este cantico chama-se "La gaita i la çanfona". Ls mazmárrias más çperbenidos pansaran que se bai a falar de música, mormente música tradecional, cun muita falica doce i muitos cuidados para nun deixar perder las tradiçones.
You cunfesso-bos yá que quiero que las tradiçones s'afódan!
La música eiqui ye outra. I más doce.
Yá bedes anton que la gaita i la çanfona de l títalo nun son anstrumientos musicales.
Pus claro, son partes de l cuorpo. Las partes más anteressantes - inda que ne l cuorpo de mie prima Diolinda la parte más anteressante seian las tetas, mas bah, de ua maneira giral las que más cobiça çpértan son estas dues. Si!, essas an que stais a pansar! Mormente la çanfona, que muitos más finos que you dízen que ye l eixo an buolta de l qual ruodra l mundo.
You bien sei que tamien ténen outros nomes: bergalho, stameiro, pixa - l oumantatibo pexota ou l demenutibo pin-pin - you sei alhá...i anton l couso de las ties!: grila, crica, cenisga...muitos...i l que you más gusto quando quiero anreliar las rapazas - la rata. Muito gustaba you de coincer l purmeiro que le dou para le chamar rata a l couso de las mocicas! Serie pul pelo? Pul cheiro?! Ye d'ambantor!! Ls angleses cháman-le gata, alhá na lhéngua d'eilhes, nun me parece muito melhor...
Anton yá sabeis: eiqui l assunto....ye foda!
I solo bai a haber dues regras:
La purmeira ye solo screbir an Mirandés; i la segunda, que nun ye menos amportante, ye nun falar mal! Mas l miu nun falar mal ye nun çaçamelhar, nun ye poupar las palabras.
Anquanto nun me cortáren la letecidade, ou l telfone, ou la fodice que me ten eiqui ligado, you ye cumo se stubira an la taberna de la mie tierra. Nun le guardo cabras a naide! Falo de todo i cun todas las palabras que l Mirandés ten. Nun béngades acá cun falsas moralidades, que nojenta ye la guerra, i la mantira, i las traiçones, i ancalcar ls más pequeinhos i ls más frouxos....isso si mete noijo....agora foder!, home, isso anté ls bruguitos le gusta.
Quien nun quejir oubir, ten bun remédio, sal i bai a besitar l blog de la Santa Casa de la Mesericorda. Ou l de la casa Pia, que nun ye tan nojento cumo este, al que se oube dezir por ende...
Als outros, que seiades bien benidos i que téngades buonas fodas!
publicado por poucabergonha às 12:24
tags:

2 comentários:
Biba Tiu de la Gaita, dai-me licença que faga iou tamien um comentairo, se bien que num ie miu e se calhar iá l conheceis. "La cousa de las ties ten muitos nomes: fona, çanfona, cenizga, cona, grilha, rata, ameixoa, etc. mas nun ten um que encha la boca como PARRACHA".
Félç a 30 de Dezembro de 2007 às 12:45

Biba felç!

I dezir que l nome ye tan bien puosto que tanto se puode ousar ne l masculino cumo ne l femenino, que you tamien yá le oubi chamar muita beç parrachO!
Abraço
poucabergonha a 31 de Dezembro de 2007 às 17:07

Novembro 2007
Dom
Seg
Ter
Qua
Qui
Sex
Sab

1
2
3

4
5
6
7
8
9
10

11
12
13
14
15
16
17

18
19
20
22
23

25
26
27
29
30


arquivos
mais sobre mim
pesquisar neste blog
 
Subscrever por e-mail

A subscrição é anónima e gera, no máximo, um e-mail por dia.

blogs SAPO