Uas fodices an Mirandés

08
Jan 08

Teneis que me çculpar por star tanto tiempo sien dar nobidades, mas l causo ye que fumos you i esta de l retrato a dar ua buolta por ende, i apuis yá sabeis: ou staba cul santido nesta çanfona deiqui ou na çanfona deilha, nun fui perciso atirar cun la moneda al aire para scolher.
De maneira que fui ua semana cumo un pito nua buosta, stou eiqui más chupado que las priscas de tiu Camolas, yá sien chupeirico niun, que la rapaza ye perra bielha i sabie de la poda.
Mas anton xatica!... caralho!, que era cumo ua boteira, nun se calhaba un segundo, trau-trau, trau-trau, trau-trau…çculpai-me la repetiçon de eideias, star a dezir que era ua rapaza i nun se calhaba un cachico!
Cuntou-me la bida toda, zde nina, cumo se a mi me anteressara la punta de un cuorno l que caralho le habie passado, inda se me cuntara l segredo de l zinolho de l Mantorras, bá que nun bá, agora cumbersa de ties!..m’arrafoda, quaije más quiero andar la tarde anteira a scabar ua binha!
Assi i todo, de tanto me refoder l bicho de l oubido, inda me quedórun uas dues ou trés cousicas, bós arreparai bien:
yá habie fazido uas quantas ouparaçones - para andreitar la canha de l nariç, para sacar uas costielhas i poner la cintura más streita, para poner borraixa nas tetas i ne ls beiços, para ancurtiar l antestino, dues lipoaspiraçones, un lifting i más uas quantas merdices acabadas an ing -; arrancaba ls pelos de las piernas i de la borda de l panteilho cun cera a ferber; tenie las oureilhas furadas cun cinco ou seis brincos i más uns quantos fierros atrabessados pul cuorpo, que les chamaba piercings; mercaba ls trapos todos dous númaros abaixo para parecer más fraca; yá habie parido dues bezes, ua de çazariana i outra cumo Dius manda i tamien inda tenie uas tatuaiges, nien bos digo ls sítios que bos puode fazer denteira, arrafoder, inda tengo bien buona cabeça, quaije me iba faltando l fuolhego…
I anton quereis saber que la purmeira nuite, apuis desta cumbersa toda, la filha de la puta tubo la coraije de dezir que nun le podie ir al culo…que diç que le dolie!!
Que le dolie?!!... Nun m'afódan!!
Ah caralho, que se me arrepiçórun ls pelos todos, quaije mesmo cumo quando l cuorpo le dá seinha de lhobo a un!
Pus tube que ambantar un streloque que you yá habie trabalhado nun circo, que era “prestidigitador” (foda-se, nien quiero manginar cumo se dirá isto an Mirandés), i que era capaç de le meter l dedo ne l culo sien le topar cun las manos.
Puso-se an pelache i apostou que nó, la tuntica.
Apuis anton quando yá lo tenie más de metade amberrumado, ye que alhá le procurei, yá sintes l dedo?, i eilha, yá l ampeço a santir, i you a poné-le las mies manos delantre de ls uolhos deilha, mira eiqui las mies manos que nun te stan a topar, i eilha, ahnnn…çcunfio que yá nun era la purmeira aposta que perdie!
Dá-bos la risa?! Ide-bos rindo... mal sabeis bós que la biznaga de la pomada inda era la de la praia, la que tenie l tapon ambuldregado cun granicos de arena.
publicado por poucabergonha às 01:54
tags:

11 comentários:
Kakakakaka... Afinal ainda há quem te tente dar a volta!! A aposta foi boa ideia, a diversão uma cadelice!!!

Boas fodas e até ao próximo post...

Vou agora para a frente do espelho tentar encaixar o maxilar que descaiu na gargalhada ao ler a tua aventura... Adios! :)
Fallen, The Countess a 9 de Janeiro de 2008 às 01:15

Ah Cundeza!

Anton nun serie melhor se fura you a ancaixar-te ls queixales... tu bien sabes que you tengo uas manos de prata....que yá an tiempos fui "prestidigitador"!

Beijico, sue cachundica!
poucabergonha a 13 de Janeiro de 2008 às 01:26

Buonas nuites, tiu de la Gaita,

Beio que yá stais mais cumpuosto, que até grima me dou quando dei por bós amboznado naqueilha merda todo.
Acho que la buossa lhéngua ten que cuntinar a anriquecer-se, cun palabras nuobas, que l mirandés ten muita: anquanto screbis relembrais todo, i quanto melhor screbirdes i cumo tener prazer ua segunda beç.
Por eisemplo: porque nun ousai l berbo «brincar» que ten todo a ber cul que screbis? Até Camões la ousou i somos ls mirandeses que stamos an melhores cundiçones de antender essa parte de ls Lusíadas quando diç subre Bénus, quando se purpara para falar al Pai a fabor de ls pertueses:

I amostrando ne l sou puro sumbrante
Cun risa ua tristeza misturada,
Cumo ua dama pul çcuidado amante
An brincos amorosos mal tratada,
Que se queixa i se ri nun só sfergante
I buolbe antre cuntenta, agoniada,
La Diusa, a quien niua s’acumpara,
Más mimosa que triste a sou Pai çclara

I yá bai lhargo l scrito. Tenie outras cousas para dezir, mas quédan para outra beç. Por hoije bundou l agabar de l «brinco» i de l «brincar».

Fuorça, tiu de la Gaita i até un die destes, que bos quiero falar de l que nun falei agora.
AF a 13 de Janeiro de 2008 às 22:35

A perpósito de l que dixo af, lhembrei-me da la sperson mirandesa: "andar amputado cun alguien". Tu Poucabergonha andas amputado cun muitas - sós un caralho dun lhafrau!
Anónimo a 15 de Janeiro de 2008 às 15:40

Quando yê que falas de las Alistanas ?

Y de las rapazas dal Cona-da... iii no dal Canada... isso...
Tiégui a 16 de Janeiro de 2008 às 09:20

Ya ancontrei las rapazas las mas guapas dal mundo... deixa m'alha de las tus lhouras que son mal azadas y mal sabechonas. Mira-me essas ende :
http://pauliteirasdevalcerto.blogspot.com/

Que suôrte tenen los rapazes daquesse pobo... mas cuidadico, cuidadico cun eilhas que saben mexer cul palo ! Tenemos qu'ir alha un die a ver, mas mui respeituosos, nada de caralho han ? :-)))
Tiégui a 16 de Janeiro de 2008 às 12:02

Pus mira, para que la rapaza cunfundira l tou palo cun un dedo...
Nun hás de ser assi mui abonado!
heheheheh
Anónimo a 20 de Janeiro de 2008 às 17:25

Biba AF,

Agora si me amolestes!
Que l Camões, an se tratando de brincar i de brincos, quaije se arrumaba a mi, si ye capaç de ser berdade, que diç que si era mi putanheiro...i de la Bénus nien balerá la pena falar, que bien sabemos que era ua lhambiçgoia buona...i buona chabasquita tamien, ou nun se haberie anroscado cun ls pouca roupa de ls pertueses!
Mandai siempre, que queremos oubir las outras cousas que quedórun desta beç!
Abraço
poucabergonha a 25 de Janeiro de 2008 às 23:46

Ah anónimo,

I mira que las mies ties nun ténen ua pinta dubidosa...nun hai dúbeda niua...son mesmo putas!
Abraço
poucabergonha a 25 de Janeiro de 2008 às 23:49

Ah Tiegui,

Caralho, se las acaçássamos alhá para l cabeço de la Lhuç...eilhi adonde canta la raposa...ibas a ber cumo daprandien nistante a picar l palo!
Abraço
poucabergonha a 25 de Janeiro de 2008 às 23:51

Janeiro 2008
Dom
Seg
Ter
Qua
Qui
Sex
Sab

1
2
3
4
5

6
7
8
9
10
11
12

13
14
15
16
17
18
19

20
21
22
23
24
26

27
28
29
30
31


arquivos
mais sobre mim
pesquisar neste blog
 
Subscrever por e-mail

A subscrição é anónima e gera, no máximo, um e-mail por dia.

blogs SAPO