Uas fodices an Mirandés

11
Fev 08

Pertual ye un paiç de poetas! I ls Mirandeses, sendo Pertueses de purmeira auga, son uns artistas de l caralho, i tenemos tamien muito que ber cun la poesie pertuesa.
Zde l tiempo de ls macacos, quando un arrastrar pul pelo andicaba l deseio de l macho pula fémia, passando puls trobadores de la corte de El Rei D. Deniç, ls pantemineiros Renaçantistas, ls mal ancarados de l séclo XIX, i a fechar an mi, siempre ls homes refodírun ls miolhos a cabilar, solo para ser capazes de ancarreirar las palabras ciertas a modos de tener ua risica de la mulhier amada i la fodice de l tal mober de uolhos brando i piadoso.
Mas you quiero-bos falar de un birar de la páigina de la poesie Pertuesa neste ampeçar de nuobo seclo i milénio, poesie que nun ten que ser solo an Pertués, tamien puode ser an Mirandés, la outra (nun ye la segunda, caralho, ye ua de las dues!) lhéngua de la naçon!
You chamo-le poesie relhistro ou poesie sfregante (que eiqui nun ben de sfregar, mas tamien podie benir!).
Nacida de santimientos fondos i muitas bezes mal antandidos, aparece nun sfregante, i nien las piedras le puoden quedar andifrentes, yá que las cumposiçones más derramadas, muitas bezes, anté peç que ráchan ua peinha.
Ye ua poesie znuda, cruda, sien anfeites scusados, sien burilados nien bersos alexandrinos, para ser dezida sien çaçameilhos, cun boç gorda i bien segura, sien pelos na lhéngua, a menos que las musas anspiradoras le quérgan poner ls pelos na lhéngua als declamadores.
Ye cun esta poesie que, hoije, la mulhier pertuesa moderna, quando menos sperar i adonde quiera que seia, se puode ancantar i deixar ambudar cun la boç cachonda de l deseio a ouliar, benida de riba de un treceiro andar de ua casa a mei'fazer, de ua camioneta chena de magalas ou mesmo de un juntouro de studantes de l secundairo, que tantas bezes, i tan anjustamiente, son acusados de nun les gustar la poesie i de nun antandéren nada de lírica...bien anganhado anda quien tal diç!, cumo adelantre se berá.
Esta poesie ye de berso lhibre, tan lhibre cumo ls sous seguidores, i cada un desses bersos ten ua eisisténça própia, sustantada por ua ounidade semántica i rítmica bien citres. Nun se apega muitas bezes a la rima, essa maneira arcaica i cediça de spertar ls santidos i çfraçar la fraqueza de la mansaige, mas usa la musicalidade, l ritmo, metáforas, cumparaçones, sinestesies, assonáncias, aliteraçones, elipces, anáforas, heipérbatos, heipérboles... ( i muitas más destas fodices, mas yá bundaran bien las que pus, yá se bei bien que you sou antandido nestas merdas...ou que copio bien las palabras de la gramática, isso agora!...), esta poesie ye, anton, tan rica que se puode dezir sien medo de anganhos que las sues raizes se antérran i bében na más legítima i fina tradiçon oural antiga de las cantigas de scarnho i na alta i guapa arte de bien trobar.
I chega de prosa. Deixo-bos ua amostra, pouca, de l muito que todos ls dies se renoba pula mano, i la lhéngua, de ls hardeiros de Camões. Bamos a oubir ls más legítimos filhos de l lirismo luso.

- Tenes uns uolhos tan guapos, tan guapos, que you papaba-te essa parracha toda!
- Ah “morcona”, que te comie tan bien l sufixo!
- Tenes un culo que peç ua cebolha, ye de quemer i chorar por más!
- Tu dabas ua buona atriç, mas you quiero más bien atrás!
- Ah filha, cun un culo desses, posque que anté cagas arrebuçados!
- Ah guapa, solo custa la cabeça, l restro ye todo cachaço!
- Ah guapa, depriessa te fazie un pejamico de cuçpinha!
- Andas na tropa? Ye que marchabas que era ua marabilha!
- Que piernas!...A que horas ábren?!
- Que anilha tenes! Deixa-me anroscar l parafuso!
- Temara you que furas un frango, para te meter un palo ne l culo i te poner a sudar!
- Metie-te-la anteira, anté que me la mordiras!
- Puodo-le topar al tou ambelhigo pula parte de drento?!
- Cuntigo era anté ancuntrar petróleo!
- Ah guapa, chube-te eiqui na palmeira i chupa-me ls cocos.
- Sós tan caliente que anté se me sturícan ls tematos!
- Tenes que me dezir quien ye l tou ginecologista, que le quiero ir a chupar l dedo!
- Sabes adonde quedaba bien l tou xambre? Ne l chano de l miu quarto!
- Serás católica?! Ye que tenes un culo que Dius te lhibre!
- Tenes cara de Modelo, mas l tou culo ye un Cuntinente!
- Cun essas bóias, l Titanic nun se habie afundado!
- Quei?! Puodo nun ser guapo cumo l Brad Pitt nien tener ls musclos de l Stalone, mas a lhamber sou cumo la Lassie!

I para acabar bien, arreparai neste mundo de significaçon, neste menumiento melódico i semántico, la nata de la nata, la chabe de ouro formidable para cerrar este cofre de pérolas:

- Ah parrachuda!
publicado por poucabergonha às 02:50
tags:

27 comentários:
Para sfriar, que calentura a mais tamien puode ser moléstia, inda que se trate de poesie mais fina que farina triga:
«S'acaso algue mulhier andubir metida ne l crime de sodomie [you sei que ir al culo ye mais çclarado, mas hai que respeitar la berdade stórica]tubir de ser castigada por esso ne l Santo Oufício, ha de oubir sue senténcia na Mesa de la Anquesiçon, por bias de l grande scádelo i danho que puoden benir de se tornáren inda mais coincidas esses feitos, i será degredada para San Tomé ou Angola, mas, se houbir rezones mais fuortes que téngan de ser respeitadas para tener de se publicar l castigo, será cundanada an pena de baradas i ne l degredo para un daqueilhes sítios.»
Regimento de l Santo Oufício de la Anquesiçon de ls Reinos de Pertual, de 1774, Lhibro III, Títalo XXII, §12.

You habie de dezir algue cousa, mas nun ye perciso i la hora nun ajuda. Se quejirdes dezir algo, á Tiu de la Gaita, dezi, mas mirai que inda puode haber por ende quien assi gustarie que todo fusse.
Sendo assi, para adonde las habien de çterrar.
Amadeu
Amadeu a 14 de Fevereiro de 2008 às 02:23

Çterrábam-las pa'l cunçeilho de Miranda.
Más adiladas num haberá por essas Ouropas afora.
Se benissem talbéç que más gentes se quedariem por acá. Nalgun sitio yá li que muita de la gente que chegou a Miranda, benie por causas dessas deportaçones doutras partes de Pertual.
Béngam eilhas: muitas e buonas, tetudas, parrachudas, de nalga grande e redondica ... anté çfolhar la gaita!!
Abelhón a 14 de Fevereiro de 2008 às 09:51

bengam carradas de rapazas, que fodam cumo coneilhas, até poner la pixa sapateira, tengam muitos ninos, que lavrem esses cabeços se acutevelem nas tavernas haja o antigo putedo franciscano, cornos e cornas a passear e a bater cum lha mano nel peito em frente al cura amarrar la cabecita no sagrado e abrir las pirnas nal palheiro ou detrás de qualquir boqueiro e para a virtude se mantiver arreganhar el culo para o amo meter la pixa.
Anónimo a 14 de Fevereiro de 2008 às 10:25

bengam carradas de rapazas, que fodam cumo coneilhas, até poner la pixa sapateira, tengam muitos ninos, que lavrem esses cabeços se acutevelem nas tavernas haja o antigo putedo franciscano, cornos e cornas a passear e a bater cum lha mano nel peito em frente al cura amarrar la cabecita no sagrado e abrir las pirnas nal palheiro ou detrás de qualquir boqueiro e para a virtude se mantiver arreganhar el culo para o amo meter la pixa.
Anónimo a 14 de Fevereiro de 2008 às 10:26

You nu'l daba nada que las lhouras... deilhas nun gusto !
I bida Don Dinis, supongo qu'él tamiên las sabie arrapanhar, ya qu'éra Don.
Tiégui a 14 de Fevereiro de 2008 às 18:20

Pus, caralho m'arrafoda, ye bien berdade que "siempre ls homes refodírun ls miolhos a cabilar, solo para ser capazes de ancarreirar las palabras ciertas a modos de tener ua risica de la mulhier amada i la fodice de l tal mober de uolhos brando i piadoso.".

Foda-se ye ua merda sabeis.

Hai que fazer essas merdas todas para tener las nalgas deilhas antre las nuossas piernas. Que fudisse. Era bien melhor un home botar un silbato i ya staba. Eilhas tenin que benir de boca bien abierta.
L pior era se un gaijo s'anganhaba i apuis de silbabar salie un çprezio, alfanje qualquiera. Ah patas....

Mas dezir que somos poetas, esso a mi nunca me chaldou. Quando andaba a la scuola a studar nunca antendi cumo essa cambada de "pandeleiros" nun era capaç de se arrimar a las ties i les dezir para alibantar l saiote i benga. Andaban cun tanta murma tanto churadeiro para quei? Nin fudien nin se iban a fuder.

Pus se fuesse you: quieres, quieres, nun quieres, baite a fuder. Caralho.

Un home nun ganha para estas cousas, pa las arrelies c'apanha.

Sculpai
Caralho m'arrafoda a 15 de Fevereiro de 2008 às 01:50

Buonas nuites! i bun porbeito a quien stá a quemer!, cumo dezie tiu Adérito quando antraba na tasca i bie uns a perder por muitos tentos al chincalhon!...

Ah purmeiro anónimo! tu arrefinfa-le, caralho....nun te squeças que Pertual ye un paiç de poetas!

I tu, ah segundo anónimo, anto si me beis cumo Sendinés...pus mira que nun ye pequeinho agabon...al menos para mi!....agora para ls sendineses sabéren que ténan alhá un sabandija cumo you, yá nun sera assi cousa que deia muito sossego!...al menos als que ténan filhas an eidade de lhebar cun el!

Ah Albino...i anton bós si bos parece que hai muita sançura por eiqui!... You nun acho!...Eiqui cad'un diç l que la bai na alma, you ancluido! I mesmo bós! Sien sançuras i sien PIDES! You gusta-me arrecebir bien i dá-le ua palabra a las pessonas...para cumbersar un cachico, que las fraldoscas que trago por eiqui ye solo cumbersas de batones, i pinturas, i xambres nuoobos...i cousas assi... isso de las oupeniones de cad'un, yá sabeis, son cumo ls colhones, cada caralho cun ls sous!
Bolbei siempre i trazei que cuntar!

Biba Amadeu!

Bós si trazeis siempre bien que cuntar!
Sabeis que you tengo que cunfessar que nun stou assi mi loinge de la sabedorie de la Anquesiçon. Bede bien: you quando beio que las rapazas fáien por eilhas, tamien las lhiebo al castigo... i tamien les dou uas baradas buonas, solo que nun le pido la "bara" amprestada a naide!
I dou-las an segredo, a menos que haba "rezones más fuortes" (de regra 10 ou 15 cerbeijas) para publicar la aplicaçon de la pena, na tasca, antre amigos!

Mas stou pula poda de Abelhon: se tubíren de ser çterradas, l Praino peç-me buona eideia. Miu pai inda ten alhá uas dues ou trés lhaticas, i peç-me que stan de adil, nun custará muito a deixá-las arrecadar eilhi! Tu depriessa beis, a Abelhon! Inda han de tener pori de çcerrar las scuolas outra beç!

I tu, ah último anónimo, tu tamien ajudas a temar cunta deilhas, botas-le ua mano a las baras de l pálio desta porciçon, que yá beio que tenes l "missal" bien studado!...

Biba , Tiegui!

Anton nun te gústan las ruças!?
Caralho, que sobrado andas!... Pus you bonda que tenga buraca, i yá nun le perdono! ;)

I tu, caralho...., tu nun sei se nun starás anganhado cun ls poetas... you stou cumbancido que quando se pónen cun las muormas i cun ls choradeiros, ye porque yá la pregórun, yá zbaziórun bien ls colhones... apuis, para zanfastiar, cumo quien stripa un cigarro ou dá dous ou trés peidos...
Tu nun te fintes muito neilhes, que ls caralhos son uns çmulados de l caralho...sáben la toda!...


Bou-me cuntento, caralho, que bien sabe tener la casa chena, you solo por un cachico de cumbersa cumo este sou capaç de dar l culo, l culo de l miu bezino, foda-se, anda nó, que habie de ser l miu, apuis inda dízen que lhérias nun adúban sopas...anton que caralhos las adúban?!...l caralho de l hamburguer, ó hambruga, ó l caralho que you quemie hoije de cena, m'arrafoda, andar a quemer chicha yá maçcada....quanto más nun bal zopilar ls fígados assi cun amigos cumo bós!...
poucabergonha a 15 de Fevereiro de 2008 às 02:25

Por amentar tanto an caralho, aposque nun sabeis donde bieno essa palabra? You boubos-lo a dezir para que quede aqui toda la giente a saber: L caralho era i ye l cesto que quedaba na ponta de riba de las carabelas i naus de ls çcubrimientos. A essa cousa chamaban-le l CARALHO. Cumo era un sitio que naide gostaba de ir porque la giente agoniaba-se i porque era mui çficele chubir alhá, tocaba-le als cuitados que le salie la suorte. Tamin era un sitio adonde iban ls que se portaban mal i assie eran castigados.

Ora anton dezien estas frazes que se tornorun celebres:

"home, o te portas bien o bais pal caralho"

"queda alto cumo l caralho"

"l caralho ye fudido"

i outras mais. Ora assie cumo l mastro esse onde staba l caralho faç lembrar ua pixa an berga, i nels barcos solo andaban homes, lhougo la cousa passou pal campo de l sexo i assie quedou.

Agora l caralho ye la pixa, mas nunca l foi, o seia, l pai de l caralho nunca fui la pixa. Foda-se serie purie adotado?

Ah poucabergonha, çculpa se hoije nun te dou la rezon. Sabes you guosto de scribir aqui porque un puode screber l que le da na gana, nun seia que benga ende ua que ateima an curregir todo, mas neste momiento nun ten benido porque l home debe-la tener amansado ahahah, mas à poucabergonha, mira q l mais de ls scritores de remanses aqueilho q scriben son paneleirices.

Arrefoder, you quando me oubrigorun a ler ls Maias ah home, mandaba parar la leitura na classe para le perguntar a la porsora l que eran essas paneleirices i fudisses que dezien. Nada sien nexo, todo meio auga choca, çmaleitado. Caralho m'arrafoda nels colhones, nun ls tener pa las arrefoder i andar cun essas panteminas.

Benga cona, que colhones son dous.

Inté
Caralho m'arrafoda a 15 de Fevereiro de 2008 às 09:48

Yá cuidabas que nun buolbi...
A mi gústan-me muito estas cumbersas, fázen-me lhembrar quando mos ajuntaba-mos a buer la gaspoia.
La mie Felorinda ye que yá nun sei se buolberá.
Na quarta, lhebei-la a mercar ua torta i galhetas a Alcanhices i a la nuite, de cuntenta, ampeçou-me a dar beisos na barriga, you yá pensaba que se iba a salir cun ua de las tues fodices, mas quedei an augas de Maio.
Nun relhistro birou-me las cuostas i inda me puso a mi la culpa.
Dixo que se lhembrou de las bananas que lhe trouxe de Miranda, meio berdes, i que le fazírun denteira.
Que nun querie andar por ende cula boca fodida.
Caralhos m'arrefódan la curralada...

Abraços
Jentonho a 15 de Fevereiro de 2008 às 10:32

Ah poucabergonha! sabes aqueilha de l nuosso Bocaige, quando entrou no café e biu dues fufas a lhamberen-se? iou sei que sabes mas mesmo assi bou-te la cuntar:

Meninas que sois tão boas
Porque estais a fazer isso?
Porque comeis pão com pão
Se é tão bom pão com chouriço!

traduç-la tu que iou nun tengo essa hablidade.

Um abraço
Félç a 16 de Fevereiro de 2008 às 20:06

Fevereiro 2008
Dom
Seg
Ter
Qua
Qui
Sex
Sab

1
2

3
4
5
6
7
8
9

10
12
13
14
15
16

17
18
19
21
22
23

24
25
26
27
28
29


arquivos
mais sobre mim
pesquisar neste blog
 
Subscrever por e-mail

A subscrição é anónima e gera, no máximo, um e-mail por dia.

blogs SAPO